Sekretari i përgjithshëm i OKB-së, Antonio Guterres deklaroi se është shumë e rëndësishme që Evropa të ketë një politikë të përbashkët të migracionit, transmeton Anadolu Agency (AA).
Në një konferencë të përbashkët për media me presidentin e Parlamentit Evropian David Sassoli, sekretari Guterres tha se “Asnjë vend në Evropë nuk mund ta zgjidhë i vetëm këtë sfidë (migracionin). Është shumë e rëndësishme që Evropa të ketë një politikë të përbashkët të migrimit. Për këtë kemi nevojë për një qasje të re në çështjen e migracionit”.
“Nëna ime është 97 vjeçe. Siç mund ta imagjinoni ka probleme serioze. Në shtëpinë tonë në Lisbonë ne ofrojmë mbështetje 24 orë për nënën. Kur shikoj ata që e mbështesin atë, nuk shoh shumë portugezë”, tha Guterres, duke shtuar se migracioni është i nevojshëm dhe një element shumë i rëndësishëm.
Duke uruar që migracioni të jetë një preferencë dhe jo një nevojë, Guterres tha: “Kjo mund të jetë e mundur vetëm me bashkimin e vendeve evropiane”.
“Të gjitha shoqëritë tona po bëhen ‘multietnike, multifetare dhe multikulturore‘. Kjo është një pasuri dhe jo kërcënim”, tha Guterres i cili vuri në dukje se duhet të bëhet një investim i madh në integrimin social.
Konjufca ngacmon PDK-në dhe LDK-në, reagojnë Tahiri dhe Gash...
Zyrtare: Man United e shkarkon nga posti i trajnerit holande...
Shefi i Gardës Revolucionare të Iranit paralajmëron për “pas...
Nesër mbahet panairi i universiteteve franceze në Prishtinë ...
Konjufca: BE nuk mund t’ia marrë Kosovës kompetencat për Aso...
Mevlani e lëshon ‘perlën’: Njeriu kur dashuron nuk tradhton